नवी दिल्ली: सकल राष्ट्रीय उत्पादन अर्थात जीडीपीच्या जागतिक क्रमवारीत भारतीय अर्थव्यवस्थेची घसरण होऊन ती सातव्या क्रमांकावर आली आहे. जागतिक बँकेनं जाहीर केलेल्या आर्थिक वर्ष २०१८मधील आकडेवारीनुसार, जीडीपीच्या बाबतीत भारतीय अर्थव्यवस्था सातव्या स्थानी आहे. तर ब्रिटन आणि फ्रान्सनं भारताला मागे सारत अनुक्रमे पाचव्या आणि सहाव्या क्रमांकावर झेप घेतली आहे. २०१७साली भारतानं फ्रान्सला मागे टाकलं होतं. मात्र यावेळी भारतीय अर्थव्यवस्थेची पिछेहाट झाली आहे. पुढील पाच वर्षांत पाच ट्रिलियन डॉलरच्या अर्थव्यवस्थेचं ध्येय गाठू असा विश्वास व्यक्त करणाऱ्या केंद्रातील मोदी सरकारला हा मोठा धक्का असल्याचं मानलं जात आहे. जीडीपीच्या बाबतीत अमेरिकी अर्थव्यवस्था अव्वल स्थानी आहे. आर्थिक वर्ष २०१८मध्ये अमेरिकेचा २०.५ ट्रिलियन डॉलर आहे. अमेरिकेनंतर दुसऱ्या स्थानी चीन आहे. चीनचा जीडीपी १३.६ ट्रिलियन डॉलर इतका असून, पाच ट्रिलियन डॉलर जीडीपीसह जपान तिसऱ्या क्रमांकावर आहे. ब्रिटन आणि फ्रान्स २.८ ट्रिलियन डॉलर जीडीपीसह या यादीत अनुक्रमे पाचव्या आणि सहाव्या स्थानी आहे. तर सातव्या स्थानी घसरण झालेल्या भारताचा जीडीपी २.५ ट्रिलियन डॉलर आहे. आर्थिक वर्ष २०१७मध्ये भारतीय अर्थव्यवस्थेचा जीडीपी २.६५ इतका होता. जगातील सर्वात मोठी पाचवी अर्थव्यवस्था होण्याचा मान भारतानं मिळवला होता. त्यावेळी ब्रिटनचा जीडीपी २.६४ ट्रिलियन डॉलर इतका होता. तर फ्रान्सचा जीडीपी २.५ ट्रिलियन डॉलर होता. अर्थतज्ज्ञांनुसार, रुपयाच्या स्तरातील चढ-उतार हे २०१८मध्ये भारतीय अर्थव्यवस्थेची सातव्या स्थानी घसरण होण्यामागील मुख्य कारण आहे. इंडिया रेटिंग्ज अॅण्ड रीसर्चचे मुख्य अर्थतज्ज्ञ देवेंद्र पंत यांच्या म्हणण्यानुसार, '२०१७मध्ये रुपया डॉलरच्या तुलनेत मजबूत स्थितीत होता. मात्र,२०१८मध्ये रुपया डॉलरच्या तुलनेत कमकुवत झाला. जीडीपी रँकिंगमध्ये भारतीय अर्थव्यवस्थेच्या घसरणीमागे हेच मुख्य कारण आहे.'
https://ift.tt/2Zu4m6e
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment