नवी दिल्ली: जीडीपी दरातील घसरणीनंतर केंद्रातील नरेंद्र मोदी सरकारला आणखी एक झटका बसला आहे. ऑगस्ट महिन्यातील जीएसटीचं कलेक्शन १ लाख कोटी रुपयांपेक्षा खाली आलं आहे. महसूल विभागाने ही आकडेवारी जाहीर केली असून या आकडेवारीनुसार ऑगस्टमध्ये फक्त ९८ हजार २०३ कोटी रुपये करण्यात केंद्राला यश आल्याचं नमूद करण्यात आलं आहे. त्यामुळे केंद्र सरकारला हा मोठा झटका असल्याचं बोललं जात आहे. ऑगस्टमध्ये जीएसटीतून केंद्राला केवळ ९८ हजार २०३ कोटी रुपये वसूल करता आले आहेत. त्यात आयातीतून २४ हजार कोटी रुपये मिळाल्याचं महसूल विभागाने स्पष्ट केलं आहे. या ९८ हजार कोटी रुपयांमध्ये केंद्र आणि राज्यांचाही हिस्सा आहे. या ९८ हजार कोटीत केंद्राची १७,७३३ कोटींपेक्षा अधिक रक्कम आहे. तर राज्यांचे २४,२३९ कोटी रुपये आहे. तर ४८,९५८ कोटी रुपये आयजीएसटीतून मिळाले आहेत. जुलैपासून ३१ ऑगस्ट २०१९ पर्यंत एकूण ७५.८० लाख लोकांनी जीएसटीआर ३बी अंतर्गत रिटर्न भरले आहे. त्यातून केंद्राला सुमारे ४० हजार कोटींचा महसूल मिळाला असल्याचं महसूल विभागाने म्हटलं आहे. दरम्यान, गेल्यावर्षी ऑगस्टमध्ये जीएसटीचं ९३ हजार ९६० कोटींचं कलेक्शन झालं होतं. गेल्यावर्षीच्या तुलनेत यंदा जीएसटीचं कलेक्शन ४.५१ टक्क्याने वाढलं असलं तरी अपेक्षित आकडेवारीपेक्षा हा आकडा अत्यंत कमी असल्याचं सूत्रांनी सांगितलं. जुलै २०१९मध्ये जीएसटीतून १,०२,०८३ कोटींचं कलेक्शन झालं होतं. जूनमध्ये हा आकडा ९९, ९३९ कोटी इतकी होती. त्यामुळे जून आणि जुलैच्या तुलनेत ऑगस्टमध्ये हा आकडा कमी झाल्याचं महसूल विभागानं म्हटलं आहे.
https://ift.tt/2ZBme23
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment